香港釣魚 #將軍澳無良艇 #蚊洲 #黃立倉 #フィッシング

如果用電腦觀看，記得要設定畫質調翻去720p或者1080p先睇得清楚
2015年11月23日將軍澳無良艇釣@蚊洲黃立倉
香港釣魚 #將軍澳無良艇 #蚊洲 #黃立倉 #フィッシング
e排咁多人釣黃立倉無理由唔去釣下既，上次同威仔釣完之後就問佢有無期比個位釣下啦，之後威仔就問阿豪幫我拎個位，今次釣行有阿豪，威仔，華仔，安祖，阿joe！！！
約好23日將軍澳0715落艇~~~
一個半鐘頭就去到曾經留過唔少腳毛既地方，回想一下蚊洲廟灣都有成十三四年無出過黎啦！有d變左好似懷舊團咁，今日出到黎好大湧起碼有四級以上，去到第一釣點已經有三隻艇釣緊，去到之後艇家無良不停話無流添，之後佢連誘餌籠都唔落，坐系度吹水，我心唸艇家唔落釣，我綁乜釣組好呢，跟住望一望阿豪再望一望威仔，佢地都系用馬騮吊頸，咁緊系照跟啦，無幾耐阿豪就釣左條支支上黎啦，之後個個久唔久就有d支支石丁既集魚，跟住阿豪突然叫收絲，眾人以為系黃立倉立即收線驚炒粉，收上黎原來系大波板，個個見到有大波板就即刻落返線快d釣多幾條先，之後又系阿豪中，今次仲要起個媽，可能佢真系好想快d做爸爸，同時間安祖都中左一條，其他人真系無乜願份，跟住阿豪仲起左條記錄魚添，唔夠一隻手指既石釘，到十二點今次又系阿豪中，快d收線黃立倉呀！！！但系又系得一口，之後無良就話收線收轆轉位，之後去到另一個位見到有兩隻艇釣緊，一落餌，嘩！！！飛機流，用到一號駝都放飛機點釣，系無辦法底下都要用兩個駝一齊落啦，兩個駝先叫做到倒底，一到底就有石釘食餌，好快一條四兩重既石釘就入左監倉，但系我後面幾幅線就炒哂粉，因為有d轉左重鉛有d未轉，釣到點幾兩點見到格離艇半個鐘連起幾條，無良即刻叫收線起錨過去，落好錨之後我就即刻轉大蝦仁，一到底，即中，嘩，完全起唔到頭呀，感覺到好似十幾野既力水，我頂到行哂，唔夠三秒，就感覺到拍一下終於起到兩手啦，當時感覺就系斷左一條仲有一條，但系一條都有d吃力，收三收就放兩手，玩多幾玩一條四五斤既黃立倉就上水啦！
同時間阿豪系後面都一齊起緊魚，心唸死啦會唔會炒埋一碟呢！！！
之後我地就系係e個黃金一小時釣返八條黃立倉！！！
總括黎講今日有成五六十斤魚真系幾好
釣完魚緊系要整返個飯局去食靚魚啦！！！
大波板刺身，黃立倉刺身，水煮雞魚，椒鹽黃尾池，椒鹽頭骨腩！
e餐真系又簡單又好食！！！