香港釣魚 #西貢妹兒艇 #七星排 #青班 #紅班 #フィッシング

如果用電腦觀看，記得要設定畫質調翻去720p或者1080p先睇得清楚
2016年1月6日西貢妹兒艇釣@七星排
香港釣魚 #西貢妹兒艇 #七星排 #青班 #紅班 #フィッシング
等左幾個月妹兒隻新艇終於到左啦，不過暫時未有頂未有坐椅，暫時只系用木板頂當，所以坐一日都幾X，有魚釣話之佢啦，因為新艇又未知可以玩幾多幅手絲唔炒粉，所以我就決定落七個人啦，
今日有Dr,華哥,細強,LoLo,Eric同埋馬姐，
約好0630西貢食早餐，食完早餐買完糧水跟住就落艇啦！！！
終於見到隻新艇啦，快d去接埋Dr同細強先！！！
雖然隻艇咁大但今日都行到成20Lok，好快就去到今日第一個位七星排啦，去到之後分好哂坐位，就開始釣啦，平時我會坐定定等落餌，但系新艇關系就去睇下前面同後面點先，行行企企好快Eric就第一個釣到條惑仔啦，之後Dr又話中收上黎原來系雞泡攪攪震，話時話我好似仲未開架生喎，快d開架生先,跟住上上落落都系得d惑仔石九，
突然LoLo哎喲一聲，原來佢中左條好野，見佢系咁就系咁就，e條野有d料到喎，
上黎原來系條三斤既細麟，Dr今次真系開齋啦，系條惑仔，之後見到妹兒好小心咁一手一手慢慢咁收上黎，上到黎原來系條三斤既青班，
可能妹兒真系幾個月無釣魚，d魚都特別識得搵人食，唔洗幾分鐘又一條紅班啦！
默默手,默默手,跟住妹兒又上黃腳，
突然我右手邊既華哥隻手持電攪系咁響，上到黎原來系條兩斤幾既黃花，今時今日海黃花已經少，仲要兩斤幾真系少之又少，所以Dr都話要痴下d旺氣一齊影返張相先，華哥笑到見牙唔見眼！！！
個個都有得中，影完相又返去自己個位，終於有口似樣d食餌啦，一埋黎就定住，一拉又好似收垃圾咁，上到黎原來唔系青班系兩斤幾既紅班，
之後無幾耐又到前面Dr中魚啦，好似有d力水喎，見Dr駛出看家本領兩三下手勢一條十二兩既白立就上左黎啦，Dr釣完條白立之後就開始停口啦，梳梳落落咁久唔久有條惑仔上到水，跟住妹兒就話大家休息下食飯先啦，因為隻艇未改裝好既關系，所以唔可以一路食飯一路後艇，因為平時既妹兒會一路後住艇食飯一路比人釣，佢今日就坐系艇頭大家一齊食飯啦，食完飯之後就轉位返入去七星排啦，返到七星之後都系無乜魚食餌，跟住艇頭傳黎叫撈基，原來系馬姐中魚，仲要系黃花呀
馬姐中完又到Eric中白立，跟住又到馬姐中紅班
跟住妹兒就話上午就我地後面釣多d，下午就前面釣多d，好公平呀！
雖然今日食餌梳梳落落，但系坐新艇又有青紅黃都已經算唔錯啦！返去啦！！！
今日加加埋埋都有十幾廿斤魚真系唔錯啦！！！青班3斤,紅班12兩,1斤,2斤幾,黃花1斤X2,兩斤幾,細麟三斤,十幾條黃腳,白立12兩加三斤什魚