香港釣魚 #西貢泉哥艇 #西貢釣魚仔 #青班 #Hong Kong fishing

如果用電腦觀看，記得要設定畫質調翻去720p或者1080p先睇得清楚
2016年5月4日西貢泉哥艇釣
香港釣魚 #西貢泉哥艇 #西貢釣魚仔 #青班 #Hong Kong fishing #フィッシング
本身每個月第一個禮拜例三妹兒期，臨時有事星期一通知話要取消，但系我地各組員話試下搵艇啦，咁我就試下搵阿才御用艇家泉哥啦，下午搵佢可能出左艇關系無覆，到左夜晚覆返我話無問題，而泉哥艇又比較細隻，所以坐四個已經好難坐第五個，但系泉哥話唔緊要啦無乜風坐多個艇頭啦，咁我就有得去啦，因為Dr同細強已經先後讓位而我就緊系變左後備啦！點知可以坐多個艇頭唔洗講我緊系跟埋去啦，出發前一日泉哥send張咁既相比我！
話e排都系釣下沙礸同紅立喎，我就話無問題有得玩就得啦！
落得泉哥艇都知泉哥出得比較遲，因為要攪掂鋪頭d野先可以出，所以就輕輕鬆鬆飲個靚茶0930早禾坑落艇啦！！！
今日晴到可以滑水，出到去仲要見到好猛既太陽，開頭唸住釣沙礸都系d近岸位，點知我問泉哥乜唔系近岸玩咩，佢話唔系呀，e家近岸無乜沙礸家系哂出面家，咁我又問e個位幾水深下喎，佢話系有六十幾七十呎水深？？？？？咁既深度釣沙礸？？？？？自己無咁既經驗緊系即刻問泉哥用幾粗絲咩釣組呀，佢話4號絲4號鉛再加兩門一兩3號鉛頭鉤啦！！！
嘩！e個釣組真系完全未玩過，摸左兩寨全部人都釣到啦！！！
但系我地今日仲有另外一個目標仲未出現喎，之後泉哥車左我地去另外一個位都系無，再轉多兩個位都系無，之後又車多個位，終於有啦
但系都系得一條咁多多，之後泉哥就叫開飯去個遠d既位先
其實仲有d野無話比大家知今日西貢個海，見到恐怖，聞到醒臭味
食完飯之後好快就有魚食餌啦，釣釣下走黎外星怪物足足有一米乘一米咁大，
之後我地既紅蟲用哂而蝦仔都系淨返一半跟住泉哥就叫收絲轉位換架生，其實泉哥早一晚已經叫左我地每人帶多幅40磅，因為泉哥既性格點釣魚仔都好，都會買d油蝦博下好野既！全部人轉哂用油蝦，但系今日可能d水真系太過差，d班班唔系好開口，無計：泉哥話最後一寨啦，咁我就唸都唔唸換隻新鮮d既油蝦掉落去，e個位系橫洲頭對出我亦都釣過幾次中間位有個孔渦左落去，就系最後一寨突然有魚試餌，第二下已經拉落去啦，我即時起身連收幾手，可能系用40磅既關系，唔夠三十秒就KO左條青班，返去啦返去開飯啦！！！
今日釣近岸魚仔仲要對住咁既水已經好好啦！！！